نۇرسۇلتان نازارباەۆ سالومە زۋرابيشۆيليگە گرۋزيا پرەزيدەنتى لاۋازىمىنا سايلانۋىنا بايلانىستى قۇتتىقتاۋ جەدەلحاتىن جولدادى.
مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان سالومە ءزۋرابيشۆيليدى گرۋزيا پرەزيدەنتى لاۋازىمىنا سايلانۋىمەن قۇتتىقتادى.
«وتكەن سايلاۋداعى جەڭىسىڭىز – ەل ازاماتتارىنىڭ سىزگە دەگەن سەنىمى مەن قولداۋىنىڭ, سونداي-اق گرۋزيانىڭ جاڭا جەتىستىكتەرى مەن ەلدەرىڭىزدىڭ ودان ءارى وركەندەۋىنە دەگەن ءۇمىتىن سىزبەن بايلانىستىرۋىنىڭ ايقىن دالەلى.
ەلدەرىمىز اراسىنداعى ءداستۇرلى دوستىق پەن تۇسىنۋشىلىككە نەگىزدەلگەن ءوزارا ءتيىمدى ىنتىماقتاستىق حالىقتارىمىزدىڭ يگىلىگى ءۇشىن الداعى ۋاقىتتا دا نىعايا تۇسەتىنىنە كامىل سەنەمىن» – دەلىنگەن جەدەلحاتتا.
نۇرسۇلتان نازارباەۆ سالومە زۋرابيشۆيليگە زور دەنساۋلىق, اماندىق, جاۋاپتى قىزمەتىنە – تابىس, ال دوستاس گرۋزيا حالقىنا – باق-بەرەكە تىلەدى.